Link açıqlığı

Ramazan arfesinde Aq-Meçet qasabasında minare tiklenmesi başlandı


İyünniñ 25-de Aqmescitteki Aq-Meçet qasabasında yerli cami minaresiniñ tiklenmesi başlandı, dep haber ete Qırım musulmanları Diniy idaresiniñ matbuat hızmeti.

Onıñ malümatına köre, camini yerli sakinler 1999 senesi qurıp başlağan ediler. Musulman cemiyetiniñ ğayretinen cami 2007 senesine qadar quruldı. Lâkin o vaqıt minarege sermiya yetmedi.

Minareni tiklemek qararına kelgen soñ, yerli sakinler qurban çaldılar. Musulmanlar dua oqup, Yüce Rabbimizden yardım soradılar.

Yerli sakinler sponsorlardan maddiy yardım kösterilecegine ümüt besleyler.

XS
SM
MD
LG