Link açıqlığı

Devlet dumasına «Şahsiy malümat aqqında» ve «Malümat aqqında» qanunlarnıñ deñişmeler leyhası kirsetildi. Onıñ müellifleri, LDPR ve KPRF fraktsiyalarınıñ deputatları, internet qıdıruv sistemaları ve içtimaiy ağlarnı qullanıcılarnıñ talabınen şahsiy malümatnı silmege mecbur etmege teklif eteler, dep haber ete Azatlıq Radiosı.

Bundan ğayrı, şahsiy malümat operatorlarını olarnı yalıñız Rusiyede saqlamağa mecbur etmeycekler. Qaideni bozğanlarnı yasaq etilgen saytlar cedveline oşağan cedvelge kirsetip, blok etecekler. İnternette qanunğa riayet etilmesini Roskomnadzor nezaret etecek. Mütehassıslarnıñ fikirince, mezkür deñişmelerniñ qabul etilmesi Rusiye qullanıcılarınıñ Google ve Facebook kibi çetel internet şirketlerine kirişini blok ete bile. Qanun 2016 senesi işke tüşürilecek. Bu vaqıtqa qadar şirketler malümat bazalarını Rusiyege avuştırmaq kerekler ya da blok etilecekler.

XS
SM
MD
LG