Rusiyede 23 biñ Ukraina qaçağı buluna, dep bildirdi jurnalistlerge baş nazir muavini Olga Golodets, haber ete İTAR-TASS.
Baş nazir muavininiñ aytqanına köre, mecburen köçip kelgen adamlarnıñ vaqtınca yerleştirüvi içün 260 noqta açıldı. Golodets dey ki, bu noqtalarda yerleşken adamlarnıñ sayısı er daim deñişe bere: bazıları Rusiye regionlarında iş tapıp, qaçaqlar statusını Rusiye vatandaşları statusına deñiştireler.
Qaçaqlarnı Volgograd vilâyeti, Adıgeya, Krasnodar ülkesi, Kalmıkiya, Stavropol ülkesi, Voronej, Kursk, Lipetsk, Moskva vilâyetlerinde qabul eteler.
Qaçaqlarnıñ ekseriyeti Rostov vilâyetinde buluna: bu regionda bulunğan qaçaqlarnıñ tam bir raqamı daa belli degil.
Hatırlatamız, Rusiyeniñ BMT yanında daimiy vekili Vitaliy Çurkin BMT Havfsızlıq Keñeşiniñ toplaşuvında çıqışta bulunıp, Rusiye Federatsiyasına 450 biñ Ukraina qaçağı kelgenini bildirgen edi.
