Rusiye ükümeti rusiyelilerniñ 2014 senesi nefaqa toplamını qaytarıp olamay, çünki para Qırımğa masraf etildi, dep bildirdi maliye naziri Anton Siluanov, haber ete İTAR-TASS.
Nazirniñ qayd etkenine köre, 2015 senesi toplamnı «buzlatmaq» meselesi muzakere etilmey bile.
İyünniñ 25-de Qırım «parlamentiniñ» toplaşuvında Qırımnıñ öz başına ilân etilgen baş naziri Sergey Aksönov bildirdi ki, 2020 senesine qadar Qırımnıñ içtimaiy-iqtisadiy inkişaf programmasınıñ tedbirlerini yerine ketirmek içün 825 milliard ruble lâzim.
2014 senesi martnıñ 16-da Qırımda ve Aqyar şeerinde yarımada statusı aqqında sahte referendum olıp keçti. Onıñ neticesinde Rusiye Qırımnı öz terkibine qabul etti. Ne Ukraina, ne Avropa Birligi, ne de AQŞ rey berüvni tanımadı ve Qırım Rusiye tarafından işğal etildi degen fikirdeler.
