Qırım «parlamenti» iyünniñ 25-de toplaşuvda Qırımnıñ öz başına ilân etilgen baş naziriniñ sekiz muavinini tayin etti. Böylece, Qırım «baş nazir muavinleriniñ» sayısı ekige arttı, dep haber ete Qırım.Aqiqat mühbiri.
«Baş nazir muavinler» arasında yañı sımalar bar – Georgiy Muradov, «Qırım Cumhuriyetiniñ» Rusiye prezidenti yanında daimiy temsilcisi, ve «içki siyaset, malümat ve alâqa naziri» vazifesinde qalğan Dmitriy Polonskiy.
«Baş nazir muavinleri» vazifesinde Sergey Doniç, Ruslan Balbek, Nikolay Yanaki, «Nazirler şurasınıñ» apparatını idare etken Larisa Opanasük qalalar.
«Parlament» «baş nazir muavini» vazifesine «baş nazirniñ birinci muavini» Rustam Temirgaliyevniñ istifasından soñ iqtisadiy bloknı idare etken Yevgeniya Bavıkinanı tayin etti. Temirgaliyevniñ yerini «baş nazir muavini» olğan, «Qırım samooboronasınıñ» sabıq reberi Mihail Şeremet aldı.
Qırım «spikeri» Vladimir Konstantinov bildirdi ki, «Nazirler şurasınıñ» qurulışı «vazifelerge köre» şekillendirile.
Sergey Aksönov Qırım «ükümetiniñ» yañı qurulışını taqdim etip, er bir muavininiñaltı-yedişer yönelişni idare etecek, dep bildirdi.
