Link açıqlığı

Qırım «parlamenti» Rusiye ükümetine «Rusiye Federatsiyasınıñ az sayılı tamır halqlarnıñ Yekâne cedveline Qırım qarayları ve qırımçaqlarnı kirsetüv aqqında» vesiqağa qol tuttı. Bunıñ kibi qarar plenar toplaşuvında iyünniñ 25-de qabul etildi.

Leyha müellifi, milletlerara munasebetler ve sürgün olunğan grajdanlarnıñ işleri boyunca parlament komissiyasınıñ reisi Edip Gafarov qayd etkenine köre, işbu qararnıñ maqsadı bu tamır halqlarnıñ dini, etnik medeniyeti ve tarihiy mirasınıñ saqlap qalması ola.

Onıñ aytqanına köre, Qırım qarayları ve qırımçaqlar Rusiye Federatsiyasınıñ az sayılı tamır halqlarnıñ Yekâne cedveline kirsetilse, olarnıñ bazı içtimaiy kefilleri peyda olacaq.

Matbuat hızmetiniñ malümatına köre, olarnıñ Rusiye qanunlarında belgilengen devlet ve şeer müessiselerinde bedava tibbiy yardım almağa, kendi medeniyetini saqlap qaldırmağa aqqı bar.

1999 senesi «Rusiye Federatsiyasınıñ az sayılı tamır halqlar aq-uquqlarınıñ kefilleri aqqında» 1999 senesi aprelniñ 30-na ait № 82-FZ Federal Qanunı qabul etildi ve çalışa. Qanunğa binaen, Rusiye Federatsiyasınıñ az sayılı tamır halqları olaraq Rusiye Federatsiyasında ecdatlarnıñ tuvğan yerinde yaşağan, ananeviy urf-adetlerini kütken, Rusiye Federatsiyasında sayısı 50 biñden az olğan ve özüni mustaqil etnik cemiyeti olaraq tanıtqan halqlar tanıla.

XS
SM
MD
LG