Link açıqlığı

Qırım «parlamenti» iyünniñ 25-de plenar toplaşuvında regionda «Qırım Cumhuriyeti Künü», «Anayasa Künü», eki esas musulman bayramı – Oraza bayram, Qurban bayram, em de pravoslav bayramları – Pasha ve Troitsanı raatlıq künleri olaraq belgilegen «qanun» leyhasını birinci oquvda qabul etti.

Salonda bulunğan 76 deputattan 72 deputat vesiqa qabul etilmesine qol tuttı, dep bildire Qırım.Aqiqat mühbiri.

Böylece, «Qırım Cumhuriyet Kününi» Qırım «parlamenti» cumhuriyetniñ «mustaqilligi» aqqında beyannameni qabul etken künü, martnıñ 11-de, qayd etmege teklif etile.

Qırım «spikeri» Vladimir Konstantinovnıñ aytqanına köre, bayram sanı «qanunnı» ekinci oquvğa azırlağanda martnıñ 16-na deñiştirilmesi mümkün. Malüm ki, bu künü Qırımda Ukraina, Avropa ve AQŞ tarafından tanılmağan Qırım statusı aqqında sahte referendum keçirildi. Ondan soñ Rusiye yarımadanı federatsiya subyektine çevirdi.

Aprelniñ 11-ini «Qırım Cumhuriyetiniñ Anayasa Künü» munasebetinen raatlıq künü olaraq ilân etecek olalar. Aynı bu künü Qırım deputatları yañı Anayasanı tasdıqladılar.

XS
SM
MD
LG