Link açıqlığı

Saatnıñ esas haberi

«Rusiyeli» Qırımda ukrain banklarınıñ müşterilerine 6,6 mlrd. ruble tazmin etildi


«Yatırımcılarnı qoruv fondu» 200 biñden ziyade ariza qabul etip, 6,6 mlrd ruble miqdarında tazminat ödedi.

Bunı Fondnıñ matbuat hızmeti bildire.

Al-azırda Fond 34 ukrain bankınıñ yatırımcılarından emanet (esaplar) talaplarını elde etüv ve emanetniñ 100% miqdarında tazminat ödemesi (lâkin bir yatırımcığa bir bankta eñ çoq 700 biñ ruble) arizalarını qabul ete.

Matbuat hızmetiniñ malümatına köre, yarımadanıñ 51 mesken noqtasında 239 arizalarnı qabul etüv noqtası çalışa.

Berilgen malümatqa köre, para Qara deñiz inkişaf ve rekonstruktsiya bankı (ÇBRR), Rusiye milliy ticaret bankı (RNKB) ve Baş bankta açılğan esaplarğa yollanıla.

«Yatırımcılarnı qoruv fondu» mayıs 8-den Qırımda ukrain banklarınıñ müşterilerine tazminat ödep başladı.

Tazminat 2014 senesi aprel 1-ne qadar açılğan bank emaneti (esapları) boyunca ödenile.

YAQF nezaret şurasınıñ reisi Andrey Melnikovnıñ aytqanına köre, umumen Qırımda çalışqan ukrain banklarınıñ yatırımcılarından 300 biñ ariza qabul etmege planlaştırıla. Ödevlerniñ miqdarı 30 mlrd rublege qadar teşkil etmesi mümkün.

XS
SM
MD
LG