Link açıqlığı

İşğal etilgen Qırımda kendi vekâletli olacaq


Qırımda insan aq-uquqları boyunca vekâletli institutı meydanğa ketirile. Böyle bir «qanun» bugün Qırım «parlamentiniñ» toplaşuvında ekinci oquvda qabul etildi.

Bunıñ aqqında malümat «Qırım Devlet şurasınıñ» saytında yerleştirildi.

Beyanatta aytılğanına köre, Qırımda insan aqları boyunca vekâletli vazifesi «insan ve vatandaşlarnıñ aqları ve serbestligini devlet imayesiniñ kefillerini teminlev ve olarğa Qırım Cumhuriyetiniñ devlet akimiyet organları, yerli idare organları ve memurlar tarafından riayet etüv ve ürmet etüv maqsadında» kirsetile.

Vekâletli Qırım «parlamenti» tarafından saylana, onıñ vazifede bulunuv müddeti 5 yılnı teşkil ete. Aynı şahıs eñ çoq eki kere biri-biri artında bu vazifege tayin etilmesi mümkün.

İnsan aqları boyunca vekâletli ve onıñ apparat faaliyeti Qırım bücetinden maliye etilecek.

XS
SM
MD
LG