Rusiye mudafaa Nazirligi «Oko-1» ballistik raketalarını işletüv sistemasınıñ soñki geostatsionar uydusından marum qaldı, dep yaza arbiy nazirlikte olğan menbalarğa esaslanıp, «Kommersant».
2012 senesi mart ayında qoyulğan uydu beş-yedi yıl degil de, eki yıl devamında çalıştı.
Yılnıñ başında birinci qıyınlıqlar peyda oldı, aprel ayında ise mudafaa nazirligi bir buçuq milliard ruble sarf etken apparat arbiy nevbetçilikten çıqarıldı.
Raketa ücümleri aqqında tenbiyelev Sisteması tolusınen çalışması içün altı apparat kerek, onıñ içün uydular sutkada yalıñız üç saat çalışa.
Geostatsionar uydunıñ ğayıp olması aqqında bir de bir resmiy izaat yoq.
