Link açıqlığı

Poloniya müftisi işğal etilgen Qırımğa kelip, musulmanlarnıñ problemlerini muzakere etti


Qırım musulmanları Diniy idaresini Poloniya Müftisi Tomas Mitskeviç ziyaret etti, dep haber ete QHA.

Ziyaret çerçivesinde Tomas Mitskeviç Qırım Müftisi Haci Emirali Ablayev ile körüşti. Olar yarımadada yaşağan musulmanlarnıñ problemlerini muzakere ettiler.

Poloniya Müftisiniñ aytqanına köre, bu onıñ birinci Qırım ziyaretidir, şimdi qırımtatarlarnıñ içtimaiy ve diniy problemlerini al etmek ihtiyacı bar.

«Men qırımtatar ağa ve ablalarıma keldim. Olardan şimdiki şaraitlerni ve qırımtatarlarnıñ diniy ve içtimaiy meseleleri boyunca nasıl etip çalışa bilgenimizni ögrenmege ister edim», – dep ayttı o.

Neşirniñ malümatına köre, Mitskeviç qırımtatar halqınıñ lideri Mustafa Cemilevniñ apayı, Qırımtatar qadın-qızlar birliginiñ reisi Safinar Cemileva ile qonuştı. Poloniya Müftisi onıñ daa bir sıra körüşüvleri, şu cümleden Qırımtatar Milliy Meclisiniñ reisi Refat Çubarov ile körüşüvi olacağını bildirdi.

XS
SM
MD
LG