Link açıqlığı

Poroşenko ateş toqtatuv rejiminiñ vaqtından evel lâğu ete bilecegini inkâr etmey


Ukraina prezidenti Petro Poroşenko boyeviklerniñ areketlerinden sebep, ateş toqtatuv rejiminiñ vaqtından evel lâğu ete bilecegini inkâr etmey.

Bunı prezidentniñ matbuat hızmeti bildire.

«İyün 24 künü boyevikler Donetskte üç taraflama körüşüv vaqtında ateş toqtatuv rejimine riayet etmek içün bergen vadelerine baqmadan, Ukraina Silâlı quvetleriniñ uçağını urıp tüşürdi ve 9 insannıñ ölümine ketirdiler. Barışıq planınıñ ilân etüvinden berli boyevikler 35 kere ukrain arbiylerine ateş açqan edi», – denile beyanatta.

Matbuat hızmetinde şunı qayd eteler ki, Poroşenko iyün 24 künü böyle allarda birden ateşni açmağa avale etti.

Bunıñ ile Prezident iyün 25 künü Almaniya Federal kantsleri Angela Merkel, Frenkistan prezidenti Fransua Hollande ve Rusiye prezidenti Vladimir Putinniñ iştiragi ile dört taraflama telefon konferentsiyasınıñ keçirilecegine ümüt besley.

XS
SM
MD
LG