Rusiye Ukrainada qavmiy ruslarını ve Rusiye ile ayırılmaz bağnı duyğan ukrainlilerni daima qorçalaycaq, dedi Rusiye prezidenti Vladimir Putin, dep haber ete Azatlıq Radiosı.
«İşbu qararnıñ lâğy etilmesi (Rusiye Silâlı quvetlerini çetelde qullanması aqqında Federatsiya Şurasınıñ qararı) Ukrainada olıp keçken vaqialarnı körmemezlikke uracağımıznı belgilemey», – dedi Putin bugün Avstriyada.
O şunı da qayd etti ki, Rusiye er vaqıt «Ukrainada qavmiy ruslarını ve Rusiye ile ayırılmaz bağnı duyğan ukrain ealisini» qorçalaycaq.
Bugün Rusiye prezidenti Vladimir Putin Federatsiya Şurasına Ukrainada Rusiye ordusınıñ qullanuvı aqqında qararnı lâğu etmege rica etti.
Ukraina prezidenti Petro Poroşenko bu muracaatnı Ukraina şarqiy regionlarında vaziyetniñ tınçlandırılmasına etilgen birinci ameliy adım olaraq adladı.
