Link açıqlığı

Saatnıñ esas haberi

Slavânsk civarında boyevikler Mi-8 ukrain arbiy vertolötnı urıp tüşürdiler


Slavânsk civarında Karaçun dağnıñ yanında boyevikler Mi-8 ukrain arbiy vertolötnı urıp tüşürdiler.

Bunı şeerniñ yanındaki blokpostlarından birisinde hızmet etken Milliy gvardiya arbiyleri bildirdiler, dep haber ete Ukrainskaya pravda.

Olarnıñ sözlerine köre, vertolötnı dağdan köterilgende urdılar. Vertolötqa ateş açılğan yerni de belgilediler. Anda arbiy tehnikanı yolladılar.

Malümatnı ATO ştabınta da tasdiqlaylar.

Bunı ştabnıñ matbuat kâtibi Vladislav Seleznöv öz Facebook saifesinde bildire.

«Tahminen saat 17-de Slavânsk civarnıda Karaçun dağnıñ etrafında PZRK raketanıñ atıluvı ile ATO quvetleriniñ Mi-8 vertolötı urıp tüşürildi. O yükniñ ketiilüvinden soñ ukrain blokpostından qayta edi. Raketanı atqan boyevikler Bılbasovka köyünde ğayıp oldılar»,– dey o.

Vertolötta 9 insan buluna edi. Olğan malümatqa köre, vertolötnıñ tüşürilüvi sebebinden eyyetniñ tam erkânı elâk oldı.

Al-azırda vertolöt tüşken yerde qıdıruv-qurtaruv taqımı çalışmaqta.

Belli olğanı kibi, bazarertesi künü ukrain akimiyeti, OBSE, terroristlerniñ temsilcileri arasında muzakereler neticesinde iyün 27 kününe qadar ateşniñ toqtatıluvı aqqında añlaşma alınğan edi.

XS
SM
MD
LG