«İzvor» Qırım bulğar medeniy merkeziniñ müdiri İvan Abajer Qırımnıñ sürgün etilgen halqları içün yekâne matem kününi belgilemege teklif etti.
Bunı o Aqmescitte toplaşuv devamında bildirdi, dep haber ete Qırım.Aqiqat mühbiri.
«Sürgün etilgen halqlarınıñ matem tedbirlerini bir künde keçirmege teklifim ile çıqışta bulumağa isteyim. Menimce, böyleliknen biz bir-birimizni daa da yahşı añlacaqmız. Biz munasebetlerimizniñ yañı seviyesine çıqarmız», – dedi o.
Bundan evel ermeni, bulğar, yunan ve qırımtatar halqınıñ aqlav qararları boyunca toplaşuvda «Altıq yaruk» adliye hızmetiniñ yolbaşçısı Enver Umerov Qırımdan sürgün etilgen halqlarnıñ statusını repressiyalarğa oğrağan halqlar olaraq belgilemege teklif etti.
Onıñ fikrince, aqlavnı «bizge ukrain devleti yükledi». Qırımtatarlar, bulğarlar, almanlar repressiyağa oğradılar. Sürgünlik añlamını ise faişelerge, qanunnı bozğan vatandaşlarğa nisbeten qullanmaq mumknün.
