Qırımdan sürgün etilgen halqlarğa repressiyağa oğrağan halqlar statusını bermege kerek.
Bunı ermeni, bulğar, yunan ve qırımtatar halqınıñ aqlav qararları boyunca toplaşuvda «Altıq yaruk» adliye hızmetiniñ yolbaşçısı Enver Umerov bildirdi, dep haber ete Qırım.Aqiqat.
«Aqlavnı bizge ukrain devleti yükledi. Bizni kimse aqlamağa mecbur degil. Biz – qırımtatarlar, bulğarlar, almanlar repressiyağa oğradıq. Rusiye Federatsiyasınıñ cinaiy kodeksinde cezalav içün mahsus sanktsiya olaraq «sürgünlik» añlamı yoqtır. Sürgünlik añlamını faişelerge, qanunnı bozğan vatandaşlarğa nisbeten qullanmaq mumknün. Cumhuriyet komiteti öz vesiqalarından «sürgün etilgen» añlamını yoq etkeni aqqında qanun leyhasını azırladıq»,– dedi Umerov.
Bundan da ğayrı o şunı da qayd etti ki, Qırım ealisiniñ cedvelge aluvı Rusiyede olğanı ile teñeştirmeli.
Rusiye prezidenti Vladimir Putin aprelde qırımtatarlarnıñ ve Qırımnıñ diger halqlarınıñ aqlavı aqqında fermannı imzaladı.
