Link açıqlığı

Aqmescit civarında medreseniñ tintüvine «Berkut» ile avtobuslar keldi


Aqmescit civarında Bulğanaq köyüniñ medresesine kimseni kirsetmediler. Azbarda «Berkut» hadimleriniñ urbasına kiyingen 10 insan tura. Medrese yanında daa eki avtobus bar.

Bunı Qırım musulmanları diniy idaresiniñ matbuat hızmeti bildire.

«Bir avtobustan «Berkut» hadimleri medrese meydanında buluna, ekincisi tolu tura. Medrese yanına binanıñ içinde bulunğan balalar içün qasevet çekken yerli insanlar kele.Tintüv devam ete», – denile QMDİ matbuat hızmetiniñ beyanatında.

QMDİ matbuat hızmetiniñ malümatına köre, medresede 13 talebe ve 2 oca buluna. Yerli cemaatnıñ vekili aytqanı kibi, şimdi şübe doğurğan bir şey daa tapılmadı.

İyün 24 künü saba saat 6:30 Aqmescit rayonınıñ Bulğanaq köyünde oğlanlar içün hafizler medresesine belgisiz şahıslar sürip kirdi ve tintüvni keçirmege başladı. Bundan evel, saat 6:00 kamuflâj ve adiy urbağa kiyingen 20 silâlı insan qırımtatar qorantasınıñ evine de tintüv ile kelgen edi.

XS
SM
MD
LG