Ukraina şarqında silâlı separatistlerniñ öz başına tayin etilgen liderleri iyün 27 kününe qadar ateşniñ toqtatıluvına razı olğanlarını bildirdi, dep haber ete Azatlıq Radiosı.
Bu qarar iyün 23 künü Moskva, Kiyev, OBSE temsilcileri ile muzakerelerden soñ alındı. «DHC baş nazir» dep özüni adlağan Aleksandr Boroday bu teklifke Donetskte muzakerelerde iştirak etmegen «Lugansk halq cumhuriyeti»niñ yolbaşçıları da seslengenlerini bildirdi.
Separatistler keçken afta Ukraina prezidenti Petro Poroşenko ilân etken ateşniñ bir taraflama toqtatıluvı ile razı olmağan ediler.
İyün 23 künü Avropa birliginiñ çetel işler nazirleri eger de Rusiye Poroşenkonıñ barışıq planına qol tutmasa, oña qarşı nevbetteki cezalarnı kirsetmege vade etti.
«Biz cuma künü Ukraina ile assotsiatsiya añlaşmasınıñ imzalanuvını sabırsızlıqnen bekleymiz. Ukraina prezidenti Petro Poroşenkonıñ barışıq planınıñ amelge keçirilüvinde Rusiyeniñ mesülieti ğayet büyüktir», – dedi Britaniya çetel işler nazirliginiñ yolbaşçısı William Hague.
Ukraina prezidenti Petro Poroşenko Avropa birligi yetekçilerine barışıq planınıñ ilerilemesi aqqında malümatnı şahsen bildirecek ola.
Bu qarar iyün 23 künü Moskva, Kiyev, OBSE temsilcileri ile muzakerelerden soñ alındı. «DHC baş nazir» dep özüni adlağan Aleksandr Boroday bu teklifke Donetskte muzakerelerde iştirak etmegen «Lugansk halq cumhuriyeti»niñ yolbaşçıları da seslengenlerini bildirdi.
Separatistler keçken afta Ukraina prezidenti Petro Poroşenko ilân etken ateşniñ bir taraflama toqtatıluvı ile razı olmağan ediler.
İyün 23 künü Avropa birliginiñ çetel işler nazirleri eger de Rusiye Poroşenkonıñ barışıq planına qol tutmasa, oña qarşı nevbetteki cezalarnı kirsetmege vade etti.
«Biz cuma künü Ukraina ile assotsiatsiya añlaşmasınıñ imzalanuvını sabırsızlıqnen bekleymiz. Ukraina prezidenti Petro Poroşenkonıñ barışıq planınıñ amelge keçirilüvinde Rusiyeniñ mesülieti ğayet büyüktir», – dedi Britaniya çetel işler nazirliginiñ yolbaşçısı William Hague.
Ukraina prezidenti Petro Poroşenko Avropa birligi yetekçilerine barışıq planınıñ ilerilemesi aqqında malümatnı şahsen bildirecek ola.
