Link açıqlığı

Saatnıñ esas haberi

OSCE ve Rusiye barışıq vaqtında Ukraina Şarqında separatistlerniñ areketlerini nezaret etecekler


Öz başına ilân etilgen «DNR» ve «LNR» cumhuriyetleri tarafından iyün 27-ne qadar ateş toqtatılması aqqında vadelerge riayet etilmesini OSCE ve Rusiye vekilleri közetecekler.

Bunı bazarertesi künü Donetskteki muzakerelerde iştirak etken Regionlar firqası fraktsiyasından halq deputatı Nestor Şufriç bildirdi, dep haber ete Korrespondent neşiri.

«DNR ve LNR vekilleri Ukraina prezidenti tarafından belgilengen vaqıtqa qadar – iyün 27 – ateş toqtatılmasına razı oldılar. Bunıñnen beraber, ateş toqtatılmasınıñ nezareti içün OSCE ve Rusiye missiyalarını celp etüv, barışıq tiklenmesi meseleleri boyunca mesleatlar ve muzakereler devamı aqqında añlaştılar», – dep haber ete neşir.

Donetskte memleket şarqında vaziyetni al etüv muzakerelerinde iştirak etken Ukrainanıñ ekinci prezidenti Leonid Kuçma bildirdi ki, taraflar iyün 27-siniñ sabasına qadar ateş toqtatılması aqqında añlaşıp oldılar.

«Bizler iyünniñ 27-si saba saat 10-ğa qadar eki taraflı ateş toqtatılması aqqında añlaştıq», – dep ayttı Kuçma.

Körüşüvde bulunğan OSCE vekilleri Donetsk vilâyetinde ğayıp olğan adamlarnı beraber qıdıracaqlarını bildirdiler.
XS
SM
MD
LG