Link açıqlığı

Avropa Şurası Ukraina boyunca neticelerni aydınlattı


Çetel işleri Avropa Şurası iyün 23-te Ukraina meselesi boyunca qararlar qabul etilgen toplaşuvnı keçirdi. Tolu metini Ukraina Prezidentiniñ saytında derc olundı.

Beyanatta aytılğanına köre, Avropa Birligi Petro Poroşenkonı Ukrainanıñ yañı saylanğan prezidenti olaraq tanıy.

Avropa Birligi Ukrainada barışıq ve istiqrar tiklenmesi içün barışıq planını vaziyetni al ete bilecek esas imkân olaraq tanıy ve Prezidentniñ Ukraina Şarqında Rusiyege qol tutqan separatistler ve er kün adam qurbanları olğan vaqıtta müim adım atqanını kore.

Avropa Birligi zıddiyetniñ er bir tarafını vilâyette havfsızlıq olması içün ateş toqtatılmasına riayet etmege çağıra.

Şuranıñ hatırlatqanına köre, Komissiya, Avropa tış alâqalar hızmeti ve memleket-azaları Ukraina Şarqındaki adise-vaqialar talap etecek nevbetteki adımlarğa azırlıq köre.

Avropa Birligini Ukrainanıñ Şarqiy qısmı ve Qırımda insan aqlarınıñ bozuluvı ve gumanitar vaziyet raatsızlay.

Mında jurnalistler ve faallerniñ qıynavı, öldürüvi ve ğayıp oluvı qayd etile.

Vesiqada yuqarıdaki noqtalardan ğayrı, Ukrainağa maddiy, mudafaa, iqtisadiyat, islâatlar, viza ve diger meseleler boyunca kösterilecek yardım mevcut.
XS
SM
MD
LG