Qırım «akimiyeti» bildire ki, yarımadada aşayt mallarınıñ fiyatları ucuzlaşıp başladı. Bunı Qırım iqtisadiyat inkişafı ve ticaret «naziri» Svetlana Verba Qırım Cumhuriyetiniñ Nazirler Şurasınıñ apparat toplaşuvında bildirdi.
«Bu sene iyün 20-ne qadar Aqmescitte eñ kerekli 23 aşayt malından 17-siniñ fiyatı eksildi, Keriçte – 15, Canköyde – 11, Yaltada – 9. Fiyatlarnı eksiltüv işi iqtisadiyat inkişafı ve ticaret Nazirligi tarafından cumhuriyet prokuraturası ile birlikte keçirile», – dep qayd etti Verba.
Qırımnıñ öz başına ilân etilgen baş naziri Sergey Aksönov er kün fiyatlarnı teşkermege avale etip, fiyatlarnı arttıracaq iş adamlarını cezalamağa vade etti.
Qırım iqtisadiyat «naziri» Rusiye fiyatları Ukraina fiyatlarından 100%-ğa qadar yüksek olğanını tanığan edi. Rusiyede insan aqları boyunca vekâletli Ella Pamfilovanıñ malümatına köre, Qırımda aşayt malları, ilâc fiyatları, em de işsizlik seviyesi arta.
Qırım «iqtisadiyat inkişafı ve ticaret nazirligi» işğal etilgen yarımada tükânlarında fiyatlarnıñ foto- ve video nezareti başlanğanını bildirdi.
Ticaret ağlarını nezaret taqımlarğa yardım etmege ve keder etmemege çağırdılar.
«Bu sene iyün 20-ne qadar Aqmescitte eñ kerekli 23 aşayt malından 17-siniñ fiyatı eksildi, Keriçte – 15, Canköyde – 11, Yaltada – 9. Fiyatlarnı eksiltüv işi iqtisadiyat inkişafı ve ticaret Nazirligi tarafından cumhuriyet prokuraturası ile birlikte keçirile», – dep qayd etti Verba.
Qırımnıñ öz başına ilân etilgen baş naziri Sergey Aksönov er kün fiyatlarnı teşkermege avale etip, fiyatlarnı arttıracaq iş adamlarını cezalamağa vade etti.
Qırım iqtisadiyat «naziri» Rusiye fiyatları Ukraina fiyatlarından 100%-ğa qadar yüksek olğanını tanığan edi. Rusiyede insan aqları boyunca vekâletli Ella Pamfilovanıñ malümatına köre, Qırımda aşayt malları, ilâc fiyatları, em de işsizlik seviyesi arta.
Qırım «iqtisadiyat inkişafı ve ticaret nazirligi» işğal etilgen yarımada tükânlarında fiyatlarnıñ foto- ve video nezareti başlanğanını bildirdi.
Ticaret ağlarını nezaret taqımlarğa yardım etmege ve keder etmemege çağırdılar.
