Meclisniñ Qırım «parlamenti» ve «yerli idare organları» saylavlarını boykot etmek qararı acele oldı ve qırımtatar cemaatçılığınen muzakere etilmedi.
Bunı «Qırım Cumhuriyeti Devlet şurasınıñ reis muavini» Remzi İlyasov bildirdi, dep haber ete Qırım «akimiyetiniñ» ruporı Krıminform.
Qırımtatar Milliy Meclisiniñ reisi Refat Çubarov sentâbr ayına keçirilmesi belgilengen «Qırım Cumhuriyeti Devlet şurasınıñ saylavlarında» iştirak etmeycegini bildirgen edi.
«Men Devlet şurası saylavlarında iştirak etmeycem. Qırımtatar Milliy Meclisiniñ bunıñnen bağlı qararı bar, men ise – Meclisniñ reisim», – dep ayttı Çubarov.
İlyasovnıñ aytqanına köre, «üküm sürgen vaziyette ciddiy, müim qararlarnı qabul etmezden evel pek keniş mesleatlarnı keçirmek kerek».
İlyasov bildirdi ki, «saylavlarda iştirak etmekten vazgeçüv qırımtatar halqınıñ akimiyet ve Qırımnıñ diger milletleri ile munasebetlerde boşluqnı arttıra bile».
İlyasovnıñ fikirince, «qırımtatarlar içün saylavlarda iştirak etmek daa da faydalıdır. Onıñ qayd etkenine köre, proportsional sistema boyunca siyasiy uruşta iştirak etecek firqa ve namzetlerni közetmek kerekmey», dep yaza neşir.
«Majoritar sistemanı aytsaq, mında saylavlarda iştirak etmek kerek», – dep qayd etti İlyasov. Onıñ bildirgenine köre, saylavlarda iştirak etüv qırımtatarlarnıñ şimdi olıp keçken esnaslarğa riayetkârlığını ifadeleycek.
Hatırlatamız, işğal etilgen Qırımda «birinci çağırılış Devlet şurasınıñ deputatlar saylavlarınıñ» ötkerilmesi 2014 senesi sentâbrniñ 14-ne belgilengen.
Bunı «Qırım Cumhuriyeti Devlet şurasınıñ reis muavini» Remzi İlyasov bildirdi, dep haber ete Qırım «akimiyetiniñ» ruporı Krıminform.
Qırımtatar Milliy Meclisiniñ reisi Refat Çubarov sentâbr ayına keçirilmesi belgilengen «Qırım Cumhuriyeti Devlet şurasınıñ saylavlarında» iştirak etmeycegini bildirgen edi.
«Men Devlet şurası saylavlarında iştirak etmeycem. Qırımtatar Milliy Meclisiniñ bunıñnen bağlı qararı bar, men ise – Meclisniñ reisim», – dep ayttı Çubarov.
İlyasovnıñ aytqanına köre, «üküm sürgen vaziyette ciddiy, müim qararlarnı qabul etmezden evel pek keniş mesleatlarnı keçirmek kerek».
İlyasov bildirdi ki, «saylavlarda iştirak etmekten vazgeçüv qırımtatar halqınıñ akimiyet ve Qırımnıñ diger milletleri ile munasebetlerde boşluqnı arttıra bile».
İlyasovnıñ fikirince, «qırımtatarlar içün saylavlarda iştirak etmek daa da faydalıdır. Onıñ qayd etkenine köre, proportsional sistema boyunca siyasiy uruşta iştirak etecek firqa ve namzetlerni közetmek kerekmey», dep yaza neşir.
«Majoritar sistemanı aytsaq, mında saylavlarda iştirak etmek kerek», – dep qayd etti İlyasov. Onıñ bildirgenine köre, saylavlarda iştirak etüv qırımtatarlarnıñ şimdi olıp keçken esnaslarğa riayetkârlığını ifadeleycek.
Hatırlatamız, işğal etilgen Qırımda «birinci çağırılış Devlet şurasınıñ deputatlar saylavlarınıñ» ötkerilmesi 2014 senesi sentâbrniñ 14-ne belgilengen.
