Link açıqlığı

Saatnıñ esas haberi

Ukraina Rusiyeden memleket Şarqında boyeviklerni toqtatmağa resmen talap etti


Ukraina Rusiyeden Ukraina Şarqında ateş toqtatılması içün boyeviklerge tesir etmesini talap ete.

Bu aqqında Tış işler nazirliginiñ bazarertesi künü tarqatılğan beyanatında aytıla.

Tış işler Nazirligi Avropa Birligi memleket-azalarınıñ tış işler nazirleri Tış işler naziri Pavlo Klimkin iştirak etken Luxembourg toplaşuvında prezident Petro Poroşenkonıñ barışıq planına qol tutqanlarını bildirgenlerini qayd etti.

«Terroristler mekteplerni yoq ete, şeer infrastrukturasını boza, demir yollarını patlatalar. Boyeviklerniñ Donetsk vilâyetindeki İlovaysk-Küteynikovo aralığında yapılğan diversion areketi neticesinde yük treniniñ 14 vagonı çıtadan tüşti», – dep qoştı o.

Onıñ aytqanına köre, soñki eki sutka devamında, küç qullanması toqtatılğan soñ, boyevikler otuzdan ziyade kere barışıqnı bozğanlar.

Klimkin bildirdi ki, Rusiyeniñ Ukrainadaki vaziyetni al etüv boyunca ıntılışları yeterli olmasa, Avropa Birliginiñ devlet ve ükümet yolbaşçıları yañı cezalar aqqında qarar alacaqlar.
XS
SM
MD
LG