Link açıqlığı

Saatnıñ esas haberi

Qırımnıñ öz başına tayinlengen baş naziri mezunlarnı yarımadada qaldıracaq ola


Qırım «ükümetine» mezunlarnı yarımadada qaldırmaq içün aliy oquv yurtlarında buña zarur olğan şaraitler yaratmağa avale etildi. Bunı iyün 23-de Qırımnıñ öz başına ilân etilgen baş naziri Sergey Aksönov bildirdi.

Onıñ aytqanına köre, cumhuriyet «ileride fayda ketire bilecek kadrlarnı baqıp, olarnı ne çetelge, ne de Rusiye Federatsiyasınıñ diger regionlarına yibermemek kerek», – dep tekrarlay Aksönovnıñ aytqanlarını Qırım «ükümetine» yaqın olğan «Krıminform» saytı.

«Al-azırda Qırım tasil ve ilim Nazirligi bunıñnen bağlı programmanı azırlay», – dep qayd etti Aksönov.

Qırım işğalinden soñ Rusiye prezidenti Vladimir Putin Qırım ve Aqyar tasil sistemalarınıñ Rusiye standartlarına uyğunlaştırılması, em de Qırım ve Aqyardaki tasil teşkilâtlarınıñ faaliyetini Rusiye qanunlarınen bağlanış aqqında qanunnı imzaladı.

Bu arada, Yuqarı Rada qırımlılarnıñ devlet aliy oquv yurtlarında bücet parasına tasil aluv aqqında qanunnı qabul etti. Vaqtınca işğal etilgen territoriyada ya da böyle territoriyadan köçip kelgen Ukraina vatandaşlarınıñ Ukrainanıñ diger regionlarında bücet esasında oquşnı devam etmege aqqı bar.

Qanunğa binaen, migratsion müessiseden yañı yaşav yeri aqqında vesiqa olsa, devlet ve kommunal oquv yurtlarında tasil almaq mümkün.
XS
SM
MD
LG