Link açıqlığı

Luxembourgda Ukraina meseleleri boyunca Avropa Birligi nazirleriniñ körüşüvi başlandı


Avropa Birligi memleket-azalarınıñ tış işler nazirleri Luxembourgda keçirilgen Avropa Birligi tışqı işler Şurasınıñ toplaşuvı çerçivesinde Ukrainadaki buhran vaziyetini muzakere etip başladılar.

Bunı Avropa Birliginiñ vekili Michael Mann Twitterde bildirdi, dep haber ete Azatlıq Radiosı.

Toplaşuv Avropa diplomatiyasınıñ yolbaşçısı Catherine Ashtonnıñ reberligi altında keçirile. Bundan ğayrı, ukrain meselesiniñ muzakeresinde Ukrainanıñ yañı tış işler naziri Pavlo Klimkin iştirak ete, qayd etile beyanatta.

Körüşüvniñ esas mevzusı Ukraina prezident Petro Poroşenkonıñ memleket şarqında vaziyetni al etüv boyunca planı olacaqtır.
XS
SM
MD
LG