Bağçasaray tarihiy-medeniy qoruğında baş müdirniñ ilmiy-tedqiq işleri boyunca yañı muavini tayin etildi.
Müdirniñ sabıq muavini Emil Seydaliyevniñ yerini türkşınas İlya Zaytsev aldı.
Bağçasaray tarihiy-medeniy qoruğı baş müdiriniñ yañı muavini, reberlikniñ fikirince, müessiseniñ ilmiy derecesini arttıracaq.
«İlya Zaytsev belli tarihçı, tarih ilimleri doktorı ve RAN şarqşınaslıq İntitutınıñ ilmiy hadimi ola. Bir çoq leyhalar boyunca çalışqan edik. Em konferentsiya, em de sergilerde. Böylece, yañı vazifege tayinlenmezden evel o «Qırım Camileri» yaqında açılğan fotosergisiniñ müelliflerinden biri oldı. Şübesiz, onıñ kibi mütehassısnen çalışmaq bizim içün büyük bir şereftir», – dep qayd ettiler qoruqnıñ matbuat hızmetinde.
KİA haber agentliginiñ malümatına köre, Emil Seydaliyev öz istegi ile vazifeden boşatıldı ve Qırım müendislik-pedagogika universitetinde ocalıq faaliyetinen oğraşıp başladı.
Bundan evel, Qırımnıñ öz başına ilân etilgen baş naziri Sergey Aksönov ile körüşüvden soñ, Bağçasaray tarihiy-medeniy qoruğınıñ baş naziri Valeriy Naumenko işten çıquv aqqında ariza yazğan edi.
Müdirniñ sabıq muavini Emil Seydaliyevniñ yerini türkşınas İlya Zaytsev aldı.
Bağçasaray tarihiy-medeniy qoruğı baş müdiriniñ yañı muavini, reberlikniñ fikirince, müessiseniñ ilmiy derecesini arttıracaq.
«İlya Zaytsev belli tarihçı, tarih ilimleri doktorı ve RAN şarqşınaslıq İntitutınıñ ilmiy hadimi ola. Bir çoq leyhalar boyunca çalışqan edik. Em konferentsiya, em de sergilerde. Böylece, yañı vazifege tayinlenmezden evel o «Qırım Camileri» yaqında açılğan fotosergisiniñ müelliflerinden biri oldı. Şübesiz, onıñ kibi mütehassısnen çalışmaq bizim içün büyük bir şereftir», – dep qayd ettiler qoruqnıñ matbuat hızmetinde.
KİA haber agentliginiñ malümatına köre, Emil Seydaliyev öz istegi ile vazifeden boşatıldı ve Qırım müendislik-pedagogika universitetinde ocalıq faaliyetinen oğraşıp başladı.
Bundan evel, Qırımnıñ öz başına ilân etilgen baş naziri Sergey Aksönov ile körüşüvden soñ, Bağçasaray tarihiy-medeniy qoruğınıñ baş naziri Valeriy Naumenko işten çıquv aqqında ariza yazğan edi.
