Link açıqlığı

Rusiye demir yollarında Ukraina yönelişinde yolcular sayısı eki qat eksildi


Ukraine -- Railway Station, Simferopol, 17Jul2013
Rusiye demir yolları Ukraina yönelişinde yolcular sayısı 50%-ğa, bazı yollarda ise – 70%-ğa qadar eksilgenini qayd eteler. Böyle malümatlarnı RDYO prezidenti Vladimir Yakunin İTAR-TASS agentligine bergen intervyüsında bildirdi.

Onıñ aytqanına köre, şirket büceti ceetinden «bu o qadar büyük raqamlar degil». «Lâkin faaliyet ceetinden bu tesirli bir şeydir», dedi Yakunin.

«Şimdiki vaziyet Ukraina demir yolu ve Rusiye demir yolunıñ iqtisadiyatına zarar ketire», dep bildirdi RDYO yolbaşçısı. Onıñ qayd etkenine köre, Rusiye demir yolları Ukraina ile işbirligini devam etecek olalar.

Rusiye demir yolları prezidentiniñ muavini, Federal yolcu şirketiniñ baş müdiri Mihail Akulov Ukrainadan Qırımğa ketken trenler cedvelinde deñişmeler olmağanını bildirdi.

Onıñ aytqanına köre, SNG demir yol transportınıñ Şurasında belgilengen trenler cedvelleri çalışa.
XS
SM
MD
LG