Link açıqlığı

Bağçasarayda şeer şurasınıñ eki deputatı istifağa çıqtı


Мэр Бахчисарая Константин Рубаненко
Bağçasaray şeer şurasınıñ eki deputatı vekâletlerinden vaqtından evel vazgeçüv aqqında arizalarnı yazdı. Bunı Bağçasaray şeer yolbaşçısı Konstantin Rubanenkoğa esaslanıp Qırım «akimiyetine» yaqın olğan «Krıminform» saytı bildire.

Rubanenkonıñ aytqanına köre, «Ruh-Qurultay» fraktsiyasınıñ vekili Nariman Yakubov deputatlar saflarını terk etmege qarar aldı.

«Bu onıñ şahsiy istegidir», – dep bildirdi Bağçasaray şeer yolbaşçısı.

Ariza yazğan ekinci deputat ise yaqında Bağçasaray territorial saylav komissiyasınıñ yolbaşçısı olğan Svetlana Belikova oldı. «Bundan sebep o deputat vekâletlerinden vazgeçüv aqqında ariza yazdı», – dep qayd etti Rubanenko.

Malüm olğanı kibi, Keriç şeer yolbaşçısı istifağa çıqtı. Ondan soñ Kezlev şeer yolbaşçısı da istifağa çıqmaq qararını qabul etti.
XS
SM
MD
LG