Link açıqlığı

Tımçuk: Lugansk vilâyetinde boyevikler minaatıcılardan ateş açtılar, eki arbiy yaralandı


Руководитель Центра военно-политических исследований Дмитрий Тымчук
Keçken gece Donbassta boyevikler Kremennaya mesken yeri yanında ATO quvetleri bulunğan yerlerge qarşı minaatıcılardan ateş açtılar. «İnformatsion qarşılıq» gruppasınıñ malümatına köre, eki arbiy yaralandı.

Bunı Arbiy-siyasiy Merkeziniñ reberi Dmıtro Tımçuk bildirdi.

«Umumen, keçken sutka devamında «DNR» ve «LNR» boyevikleri Donetsk ve Lugansk vilâyetleriniñ altı rayonında terroristik aktsiyalarnı (atış ve diversiyalar) keçirdiler», – dep qayd etti mütehassıs.

Arbiy-siyasiy tedqiqler Merkeziniñ malümatına köre, ATO quvetleri Ukraina Prezidenti tarafından ilân etilgen barışıqqa riayet eteler. Boyevikler ateş açsa, yalıñız o vaqıt arbiyler cevap bere.

Boyevikler Krasnıy Liman şeeri civarında Yampol ve Zakotnoye köylerinde ATO yerlerini alacaqlarını bildirile edi.

ATO quvetleri tarafından nezaret etilgen Kramatorsktaki uçaq alanına qarşı ateş açıldı. Donetsk vilâyetinde Slavânsk civarında üç blokpost, Artömovsk arbiy bölügi, Lugans vilâyetinde – Çervonopartizanskoye civarında blokpost.

Prezident Petro Poroşenko Ukraina şarqında iyünniñ 20-den saat 22:00 iyünniñ 27 saat 22:00 qadar ateş toqtatılması aqqında emir etti. Onıñ aytqanına köre, «barışıq planınıñ bu noqtası tam bir müddetni belgilep, prezident planına qol tutqanlarğa silânı teslim etmege imkân bere».
XS
SM
MD
LG