Link açıqlığı

Rusiye ükümeti «Artekni» yañıdan qurmağa vade ete


Председатель правительства РФ Дмитрий Медведев
Rusiye ükümeti işğal etilgen Qırımda «Artek» Halqara bala merkeziniñ inkişafına 894985,2 biñ ruble ayırmağa vade ete.

Qırım Cumhuriyetine «Artek» Halqara bala merkeziniñ inkişafına bücetlerara para ayırılması boyunca Qaide tasdıqlanması aqqında Qararnı Rusiye baş naziri Dmitriy Medvedev imzaladı, dep haber ete Qırım akimiyetine yaqın olğan «Krıminform» saytı.

Tasdıqlanğan Qaidelerge binaen, «Artek» merkeziniñ inkişafına bücetlerara yardım miqdarı Qırım Cumhuriyetiniñ ihtiyaclarına köre belgilene.

«İşbu merkezniñ inkişaf tedbirleri sırasına yañıdan quruv, merkez binasınıñ tamiri, donatma, tehnikanı satın aluv ve tamir etüv, video nezareti, yanğın ve saqçılar sistemalarınıñ yerleştirüvi kire», denile beyanatta.

Qırım işğalinden sebep Ukraina 118 pioner lageri, şu cümleden «Artek» Halqara bala merkezinden marum qaldı. Rusiye akimiyeti onı Rusiye tasil ve ilim Nazirligine boysundırdı.

«Artekniñ» yañı tayin etilgen reberi Aleksey Kasprjak bildirgenine köre, bala merkezi ükümet statusını alması mümkün.
XS
SM
MD
LG