Link açıqlığı

Rusiye tış işler nazirligi Lavrovnıñ Ukraina aqqında sert aytqanlarını tüzete bere


Министр иностранных дел России Сергей Лавров
Bazar künü Rusiye tış işler nazirligi nazir Sergey Lavrov ve AQŞ devlet kâtibi John Kerry arasında Ukraina aqqında olğan telefon subetiniñ eki versiyasını aydınlattı. Rusiye naziri aytqanlarınıñ soñki versiyası birincisinden bayağı farqlana, dep haber ete Azatlıq Radiosı.

Aqşam aydınlatılğan soñki versiya, Lavrovnıñ aytqanlarına köre, Rusiye Ukrainada «ateş toqtatılmasına er vaqıt qol tutqan edi», lâkin onı yalıñız birinci adım olaraq tanığanını bildire: «Eñ esası – aqiqiy al etüvge irişmek içün ultimatumsız ve Ukrainanıñ cenüp-şarq regionlarında vaziyetni nezaret etkenlerniñ mevamlarını köz ögüne alıp, dialogğa başlamaqtır».

Bundan ğayrı, Lavrov «Kiyevniñ gaz fiyatınıñ belgilenmesi meselesinde semereli bir mevamı olmaq kerekligini qayd etti», aytıla beyanatta.

Aynı bu subetniñ kündüz aydınlatılğan versiyası Lavrovnıñ bayağı sert olğan aytqanlarını isbatlay edi, lâkin nazirlikniñ matbuat hızmeti tarafından red etildi. Subetniñ bu versiyası Rusiye «İnterfaks» agentliginiñ Aqrusiyedeki «İnterfaks-Zapad» agentliginiñ saytında mevcut.

Eski versiyağa köre, Lavrov Kerry ile laqırdı etip, «arbiy areketler toqtatılmasa ve vaqtınca degil de, bütünley barışıq ilân etilmese, em de eñ esası, Ukraina akimiyeti cenüp-şarq regionlarında vaziyetni nezaret etkenlernen muzakereler keçirip başlamasa, Ukrainadaki deşetli içki buhrannı al etmek imkânsızdır».

Bunıñnen beraber, bu versiyağa köre, Moskva «Kiyev aqiqiy al etüvge irişmek içün ultimatum talaplarından vazgeçmek ve Donetsk ve Lugansk vekillerinen dialog qurmaq kerekligini ayrıca qayd etti».

AQŞ Devlet departamentinde bu subetni daa tefsir etmediler. Kerryniñ özü Mısırda buluna.
XS
SM
MD
LG