Link açıqlığı

Aqyarda yaqalanğan jurnalistlerni «ekstremizm boyunca komissiya» ile keçirilgen subetten soñ yiberdiler


Aqyarda Nahimov meydanındaki mitinginiñ canlı yayınlavını çıqarğan Gromadske TV mustaqil ukrain kanalınıñ jurnalistlerini Tetâna Kozıreva ve teleoperator Karen Arzumanânnı yiberdiler.

Bu aqta hromadske.tv saytında bildirile.

Olarnı Lenin İçki işler nazirliginiñ rayon bölügine ketirdiler, mında olar «ekstremizm boyunca komissiya» ile subetleştiler. Soñki malümatqa köre, jurnalistlerniñ sözlerini, pasport malümatlarını ve telefon nomeralarını yazıp, yolladılar.

Bazar künü, iyün 22-de, Aqyarda Nahimov meydanındaki mitinginiñ canlı yayınlavını çıqarğan vaqıtta, jurnalist ve teleoperatorğa mitingniñ esli başlı iştirakçileri tarafından qabaatlar atılmağa başladı. Olarnı Qırım vaziyetiniñ yañlış aydınlatuvda qabaatlay ediler. Polis hadimleri jurnalistlerni Lenin rayon bölügine ozğardılar.
XS
SM
MD
LG