Link açıqlığı

Lvov rusiyelileri yerli Baş konsullıqqa «qanlı bayraqnı» ketirdiler


Lvovnıñ bir qaç on rusiyeli balalarınen beraber şeerdeki Rusiye baş konsullığı binasına kelip, Rusiyeniñ Ukrainağa nisbeten istilâsına qarşı narazılıq köstediler. Balalar konsullıq hadimlerine ediye etilecek oyuncaqlarnı ketirdiler, dep haber ete Azatlıq Radiosı.

Narazılıq aktsiyasınıñ iştirakçileri qollarına Ukraina bayraqları, sızılğan trezubets ile sarı toplar ve rus yazılarını aldılar: «Putin – menim balalığımnı bozdıñ», «Putin – balalığımızdan marum qaldırma», «Men – rusım ve menim Vatanım – Ukraina», «Rus alemi – cenktir».

«Men Lvovda doğdım, mında mektepke qatnadım, anam Rusiyeden. Bizler etnik ruslarnı temsil etemiz ve bu konsullıq bizni qorumaq kerek. Bizler olarğa aydut ve banderovcı olmağanlarımıznı aytamız. Rusiye – istilâcı, menim memleketime kelip, Ukraina vatandaşlarınıñ qanını tökecek ola. Rusiye televideniyesi bizni mında, Lvovda ruslarnı, çöküçlernen öldüreler, dep bildire, bizler ise yarın Ukrainanı ve balalarımıznı imaye etmege ve qoluna silâ alıp, Rusiye arbiylerine qarşı çıqmağa azır olğanımıznı aytamız», – dep qayd etti Sergey Köstenko.

Aktsiya iştirakçileri Qırımdan dostları bergen Rusiye bayrağını qırmızı boyanen kirlettiler. Ve Lvovtaki Rusiye baş konsullığı binasınıñ araba qapusı altına taşlağan oyuncaqlarnı boyaladılar. Konsullıq hadimlerinnden iç bir kimse Lvov rusiyelileri ögüne çıqmadı.
XS
SM
MD
LG