Link açıqlığı

İyün 19-da Ukraina prezidentiniñ Rusiye yolbaşçısı ile telefon subeti olıp keçti.

Bunı Petro Poroşenkonıñ matbuat hızmeti bildire.

«Ukraina prezidenti devlet şarqındaki vaziyetni al etüv planınıñ esas noqtaları ve onıñ amelge keçirüv cedvelini qısqadan aydınlatıp, esir alınğanlarnı azat etmek ve Ukraina-Rusiye sıñırında semereli nezaret ğayrıdan tiklenmek kerekligini qayd etti», – aytıla beyanatta.

Poroşenko ateş toqtatılmasınen beraber barışıq planına qol tutacaqlarına ümüt etkenini bildirdi.

Ukraina prezidenti matbuat hızmetiniñ malümatına köre, Vladimir Putin «Donetsk ve Lugansk vilâyetlerinde vaziyetni al etüv boyunca ıntılış, ateş toqtatılmasınıñ areketleri ve Ukraina prezidentine ait barışıq planınıñ ömürge keçirilmesine qol tutqanını bildirdi».
XS
SM
MD
LG