Yuqarı Rada Qırımnıñ vaqtınca işğali ve terrorizmge qarşı operatsiya keçirilgeninden sebep evlerini terk etmege mecbur olğan adamlarnıñ uquqiy statusını belgiledi.
№ 4998-1 qanun leyhasına sessiya zalında qayd etilgen 340 deputattan 289 halq deputatı qol tuttı, dep bildire Ukrainskaya pravda.
Qanun leyhası mecburen köçip kelgenlerniñ uquqiy statusını ve olarnıñ aq-uquqlarını qoruv uquqiy kefaletini belgiley. İşbu qanun vastasınen diger regionda yerleşüvden soñ içtimaiy, emek, saylav aqları, tasil almaq ve tibbiy teminlev aqlarınıñ ğayrıdan tiklenüvi kefil etile.
Mecburen köçip kelgen şahısnıñ şeadetnamesi ariza berilgen kününden soñ 10 kün içinde bir yılğa qadar berilecek.
Evlerini mecburen terk etken insanlar ve olarnıñ çağına yetmegen qoranta azalarınıñ mecburen köçip kelgenlerniñ vaqtınca yerleştirüv ya da yaşav yerini mustaqil şekilde saylap almaq ve mında tibbiy ve içtimaiy hızmet körmek, maddiy yardım almaq aqqı bar.
Olarğa işğal ya da ATO neticesinde ğayıp etken mal-mülk içün tazminat ödevini almaq imkân berile.
Mezkür maqsadlarğa sermiyalar devlet ve yerli bücetlerinden ayırılacaq.
İcra akimiyetniñ merkeziy organları ve yerli idare organları öksüz qalğan balalarğa bala evlerinde yer tapmaq, mecburen köçip kelgen balalarnı bala bağçalarına bermek kerekler.
Olarnıñ mecburen köçip kelgenlerge emek, içtimaiy yardım, nefaqa, içtimaiy hzımet, tibbiy teminlev ve tasil aqqları bar.
Hatırlatamız, iyün 19-da Ukraina Yuqarı Radasında «Qırım Muhtar Cumhuriyeti ve Aqyar şeeriniñ vaqtınca işğali ve Ukrainada keçirilgen terrorizmge qarşı tedbirlernen bağlı vaziyetten sebep yaşav yerlerini terk etmege mecbur olğan şahıslarnıñ uquqiy statusı aqqında» 4998-1 qanun leyhasını qayd ettiler.
№ 4998-1 qanun leyhasına sessiya zalında qayd etilgen 340 deputattan 289 halq deputatı qol tuttı, dep bildire Ukrainskaya pravda.
Qanun leyhası mecburen köçip kelgenlerniñ uquqiy statusını ve olarnıñ aq-uquqlarını qoruv uquqiy kefaletini belgiley. İşbu qanun vastasınen diger regionda yerleşüvden soñ içtimaiy, emek, saylav aqları, tasil almaq ve tibbiy teminlev aqlarınıñ ğayrıdan tiklenüvi kefil etile.
Mecburen köçip kelgen şahısnıñ şeadetnamesi ariza berilgen kününden soñ 10 kün içinde bir yılğa qadar berilecek.
Evlerini mecburen terk etken insanlar ve olarnıñ çağına yetmegen qoranta azalarınıñ mecburen köçip kelgenlerniñ vaqtınca yerleştirüv ya da yaşav yerini mustaqil şekilde saylap almaq ve mında tibbiy ve içtimaiy hızmet körmek, maddiy yardım almaq aqqı bar.
Olarğa işğal ya da ATO neticesinde ğayıp etken mal-mülk içün tazminat ödevini almaq imkân berile.
Mezkür maqsadlarğa sermiyalar devlet ve yerli bücetlerinden ayırılacaq.
İcra akimiyetniñ merkeziy organları ve yerli idare organları öksüz qalğan balalarğa bala evlerinde yer tapmaq, mecburen köçip kelgen balalarnı bala bağçalarına bermek kerekler.
Olarnıñ mecburen köçip kelgenlerge emek, içtimaiy yardım, nefaqa, içtimaiy hzımet, tibbiy teminlev ve tasil aqqları bar.
Hatırlatamız, iyün 19-da Ukraina Yuqarı Radasında «Qırım Muhtar Cumhuriyeti ve Aqyar şeeriniñ vaqtınca işğali ve Ukrainada keçirilgen terrorizmge qarşı tedbirlernen bağlı vaziyetten sebep yaşav yerlerini terk etmege mecbur olğan şahıslarnıñ uquqiy statusı aqqında» 4998-1 qanun leyhasını qayd ettiler.
