Link açıqlığı

NATO: Rusiye Ukraina sıñırı yanında ordularnıñ sayısını arttıra


NATO baş kâtibi Anders Fogh Rasmussen Ukraina ile sıñırda Rusiyeniñ arbiy bulunuv arttırılması aqqında bildirdi.

Onıñ aytqanına köre, daa bir qaç biñ Rusiye askeri Ukrainanıñ şarqiy sıñırı yanında buluna, dep haber ete Azatlıq Radiosı.

Reuters agentliginiñ malümatına köre, bugün Rasmussen Londondaki halqara munasebetler Qıral institutında çıqışta bulunıp, böyle areketler «yazıqsınmağa mecbur etken artqa atılğan bir adımdır».

NATO yolbaşçısınıñ aytqanına köre, Rusiye Ukrainağa nisbeten ilerideki istilâ yapılmasından vazgeçmey. Rusiye bunıñ kibi siyasetni devam ettirse, halqara toplulıq sert bir cevap bermek kerek, dep qayd etti Rasmussen.

Onıñ bildirgenine köre, 2008 senesinden başlap Rusiye mudafaa masraflarını aman-aman 50 fayızğa arttırdı, NATO azaları ise olarnı 20 fayızğa eksilttiler.
XS
SM
MD
LG