Link açıqlığı

Cumaertesi künü, iyün 21-de, «Kolomenskoye» Moskva müzey-qoruğında «Sabantuy» umumşeer bayramı keçirilecek. Bu tedbir dört yıldan berli ötkerile.

Rusiye kütleviy haber vastalarınıñ malümatına köre, tedbir devamında Moskva sakinlerine qırımtatarlarnıñ medeniyetini taqdim etecekler.

«Qırımtatarlarnıñ medeniyeti taqdim etilecek. Ananeviy ustalar derslerinden ğayrı çolmekçilik, altın nağış, hna qoyuv ve resim sergisi, qırımtatarlar kontsert programmasında iştirak etecekler», dep yaza slamnews.ru.

Bayram musafirlerini medeniy-eglence programması bekley. Onıñ çerçivesinde Moskva, Tatarstan ve Başkortostan sanat ustazlarınıñ kontserti, türlü yarış ve oyunlar ötkerilecek.

Milliy küreş yarışı planlaştırıla.

Tedbir teşkilâtçıları Moskva ükümeti, Tatarstan Cumhuriyetiniñ Rusiyede Vekâletli temsilciligi, Başkortostan Cumhuriyetiniñ Rusiye prezidenti yanında Vekâletli temsilciligi, Moskvanıñ regional tatar milliy-medeniy cumhuriyeti, «Başkortostan Cemiyeti» olalar.

Keçken sene «Sabantuyğa» 150 biñ insan keldi, şu cümleden Moskva şeer yolbaşçısı Sergey Sobânin.

Hatırlatamız, bu sene işğal etilgen Qırımda Rusiye Künü munasebetinen «Sabantuynı» qayd ettiler.
XS
SM
MD
LG