Qırımnıñ öz başına ilân etilgen baş naziri Sergey Aksönov Herson vilâyeti ve Qırım arasında sıñırnıñ ukrain sıñırcıları ve arbiyleri tarafından pekitilmesini marazm dep saya.
Qırım.Aqiqat saytınıñ mühbiri bildire ki, böyle fikirni Aksönov Federal alâqa agentliginiñ vekilleri ile olıp keçken körüşüvden soñ Qırım jurnalistine seslendirdi.
«Marazm qaviyleşe. Kimden pekinecek olalar, añlap olamayım. Bizler bir kimseni qorquzmayıq... Bazıları ara-sıra hastalanalar, olap birisi bir yerge ketecegini tüşüneler. İsteseler – pekitsinler. Olarnıñ öyle de olmağan paranı masraf etmege yeri olmasa, suniy inşaatlarnı qazsınlar. Belki de, sıñırcılarğa iş tapmaq kerek? Belki de, olar anda kart oynaylar. Bu da tabiiy bir al. Asker köpek suvarmasın dep, oña vazife bermek kerek. Mantıq olmağan yerde bir şey tahmin etmege qıyın ola», – dep ayttı Aksönov.
İyün 18-de saba Qırım «akimiyetine» yaqın olğan Krıminform saytı ukrain arbiyleri tarafından «Çonğar» kiriş noqtasında sıñır pekitilgenini bildirdi.
Neşirniñ malümatına köre, qayd etilgen kiriş noqtasını sançqan telnen qoralağanlar. Yolda balaban beton blokları qoyulğan, yolnıñ eki çetinde de saqlanmaq içün belgilengen topraq inşaatlarnıñ qurması başlandı.
Qırım ile sıñır pekitilmesini ne Ukraina Devlet sıñır hızmeti, ne de Mudafaa nazirligi izaatlamadılar.
Devlet sıñır hızmetiniñ saytında berilgen malümatqa köre, Rusiye devlet sıñırında, Rusiye Federatsiyasınıñ silâlı bölükleri kelgen yerlerde, mudafaa sisteması mükemmelleştirile.
Lâkin Qırım yanında bir de bir pekitüv areketleri aqqında malümat yoq.
Qırım.Aqiqat saytınıñ mühbiri bildire ki, böyle fikirni Aksönov Federal alâqa agentliginiñ vekilleri ile olıp keçken körüşüvden soñ Qırım jurnalistine seslendirdi.
«Marazm qaviyleşe. Kimden pekinecek olalar, añlap olamayım. Bizler bir kimseni qorquzmayıq... Bazıları ara-sıra hastalanalar, olap birisi bir yerge ketecegini tüşüneler. İsteseler – pekitsinler. Olarnıñ öyle de olmağan paranı masraf etmege yeri olmasa, suniy inşaatlarnı qazsınlar. Belki de, sıñırcılarğa iş tapmaq kerek? Belki de, olar anda kart oynaylar. Bu da tabiiy bir al. Asker köpek suvarmasın dep, oña vazife bermek kerek. Mantıq olmağan yerde bir şey tahmin etmege qıyın ola», – dep ayttı Aksönov.
İyün 18-de saba Qırım «akimiyetine» yaqın olğan Krıminform saytı ukrain arbiyleri tarafından «Çonğar» kiriş noqtasında sıñır pekitilgenini bildirdi.
Neşirniñ malümatına köre, qayd etilgen kiriş noqtasını sançqan telnen qoralağanlar. Yolda balaban beton blokları qoyulğan, yolnıñ eki çetinde de saqlanmaq içün belgilengen topraq inşaatlarnıñ qurması başlandı.
Qırım ile sıñır pekitilmesini ne Ukraina Devlet sıñır hızmeti, ne de Mudafaa nazirligi izaatlamadılar.
Devlet sıñır hızmetiniñ saytında berilgen malümatqa köre, Rusiye devlet sıñırında, Rusiye Federatsiyasınıñ silâlı bölükleri kelgen yerlerde, mudafaa sisteması mükemmelleştirile.
Lâkin Qırım yanında bir de bir pekitüv areketleri aqqında malümat yoq.
