Link açıqlığı

Saatnıñ esas haberi

Ukraina parlamenti yañı kadrlar tayinlenmesini alğışladı


Ukraina Yuqarı Radası kadrlar meselesini muzakere etmege başladı. Deputatlar devlet yolbaşçısı tarafından Ukraina Milliy bankınıñ reisi, baş prokuror ve tış işler naziri vazifelerine teklif etilgen namzetlerge qol tuttı, dep haber ete Azatlıq Radiosı.

Parlament zalına prezident Petro Poroşenko keldi.

329 deputat Vitaliy Yaremanıñ baş prokuror vazifesine tayin etilmesine qol tuttı. Yuqarı Rada Yaremanı baş nazirniñ birinci muavini vazifesinden boşattı.

Ukraina parlamenti Pavel Klimkinniñ tış işler naziri vazifesine namzetine rey berdi. Buña 335 halq deputatı qol tuttı.

Toplaşuvda Klimkin ukrain halqına ant etti. O, ukrain halqınıñ milliy menfaatlarına uyğan Ukrainanıñ tışqı siyasetini qorçalaycağını vade etti.

Valeriya Gontareva ise Ukraina Milliy bankınıñ yolbaşçısı oldı. Buña 349 halq deputatı qol tuttı. Bundan evel parlament Milliy bank yolbaşçısı vazifesinden Stepan Kubivni boşatmaq qararına keldi.

Bu üç namzetni Yuqarı Radağa Ukraina prezidenti Petro Poroşenko teklif etken edi.
XS
SM
MD
LG