Link açıqlığı

Rusiye ükümeti «Artek» merkeziniñ maliye etilüvini muzakere ete


Премьер-министр России Дмитрий Медведев во время посещения «Артека» в Крыму
Cumaaqşamı künü, iyün 19-da, Rusiye ükümetiniñ toplaşuvında «Artek» halqara bala merkeziniñ inkişafı içün Qırımğa 895 million ruble ayırılması muzakere etilecek, dep haber ete Rusiye kütleviy haber vastaları.

Qarar leyhası qayd etilgen müessiselerge 894,985 million ruble ayırılmasını teklif ete.

Bu para yañıdan quruv, merkez binasınıñ tamiri, donatma, tehnikanı satın aluv ve tamir, video nezareti, yanğın ve saqçılar sistemalarınıñ yerleştirüvine ayırılmaq kerek. Rusiye baş naziri Dmitriy Medvedev altı ay içinde «Artekniñ» inkişaf programmasını azırlamağa avale etken edi.

Keçken aftanıñ soñunda, iyün 13-de, «Artekniñ» yañı baş müdiri tayin etildi. Bu vazifede Aleksey Anatolyeviç Kaspraj bulunacaq. O, «Artek» Rusiye tasil ve ilim Nazirligine keçirilgenini jurnalistlerge bildirdi.
XS
SM
MD
LG