Link açıqlığı

İşğal etilgen Qırımda qıtaiy Ukrainağa köçmek içün yardımğa muhtac olğan ukrain vatandaşlarınıñ yüzden ziyade ailesi qala.

Bunı Obozrevatel protestant papası Ruslan Zuyevniñ aytqanlarına esaslanıp bildire.

«Qırımdan çıqarılacaq tahminen yüz qoranta bar. İç olmağanda bir aileni çıqarmaq içün eñ azı 10 biñ grivna kerek. Çoqusınıñ böyle parası yoq», – dedi Zuyev.

Onıñ malümatına köre, Ukrainağa köçecek olğan qorantalar Bağçasaray, Aqmescit, Aqyar ve Yaltada yaşaylar.

«Çoqusınıñ ufaq balaları bar. Bir qorantanıñ eki yaşında balası bar ve anası ağır ayaqlı yüre. Qırımda qalğan ukrain vatandaşları içün bir de bir içtimaiy qoruv yoq. Bundan ğayrı, er vaqıt mında yaşamağan bir insan olsa, bank esabını açmaq imkânsızdır. Seniñ Rusiye pasportıñ olmasa, sen ekinci derece adamsıñ», – dep qayd etti papas.

Ukraina içtimaiy siyaset Nazirliginiñ resmiy statistikasına binaen, Qırım işğalinden soñ qıtaiy Ukrainada 13-14 biñ qırımlı qayd etildi. Resmiy olmağan malümatqa köre, olarnıñ sayısı 20-30 biñ insannı teşkil ete.
XS
SM
MD
LG