Almaniyada yaşağan aman-aman 450 nemse ailesi, Qırımdan sürgün etilgen nemselerniñ balaları, yarımada Rusiye Federatsiyası terkibine kirgen soñ, Qırımğa köçmege istegenini bildirdi, dep ayttı «Vidergenburg» Qırım nemseleri Cumhuriyet cemiyetiniñ reberi Yuriy Gempel.
Bunı QHA haber agentligi bildire.
«Rusiye prezidenti Vladimir Putinniñ ermeni, bulğar, qırımtatar, yunan ve nemselerniñ reabilitatsiyası aqqında buyruğı çıqqan soñ, tamırları Qırımdan olğan sabıq semetdeşlerimiz Almaniyadan telefon etip başladılar... Bugünde-bugün mında qaytacaq, yaşaycaq ve Qırım inkişafına isse qoşacaq olğan nemseler bar», – dedi Gempel.
Lâkin, onıñ qayd etkenine köre, semetdeşlerniñ köçip kelüvi içün azırlanğan ve maliye etilgen programma kerek.
Bu sene aprel ayında Rusiye prezidenti Vladimir Putin repressiyalarğa oğratılğan qırımtatar ve Qırımda yaşağan diger halqlarnıñ reabilitatsiyası aqqında emirni imzaladı.
İyün 4-de Qırım «parlamenti» «1941-1944 seneleri Qırım Muhtar Sovet Sotsialistik Cumhuriyetinden mahkemeden tış millet mensüpligine köre sürgün etilgen halqlarnıñ bazı kefilleri aqqında» qanunnı birinci oquvda qabul etti. «Parlamentte» işbu «qanun» sürgün etilgen halqlarnıñ içtimaiy qoruvını temin etecek, dep bildireler.
Bunı QHA haber agentligi bildire.
«Rusiye prezidenti Vladimir Putinniñ ermeni, bulğar, qırımtatar, yunan ve nemselerniñ reabilitatsiyası aqqında buyruğı çıqqan soñ, tamırları Qırımdan olğan sabıq semetdeşlerimiz Almaniyadan telefon etip başladılar... Bugünde-bugün mında qaytacaq, yaşaycaq ve Qırım inkişafına isse qoşacaq olğan nemseler bar», – dedi Gempel.
Lâkin, onıñ qayd etkenine köre, semetdeşlerniñ köçip kelüvi içün azırlanğan ve maliye etilgen programma kerek.
Bu sene aprel ayında Rusiye prezidenti Vladimir Putin repressiyalarğa oğratılğan qırımtatar ve Qırımda yaşağan diger halqlarnıñ reabilitatsiyası aqqında emirni imzaladı.
İyün 4-de Qırım «parlamenti» «1941-1944 seneleri Qırım Muhtar Sovet Sotsialistik Cumhuriyetinden mahkemeden tış millet mensüpligine köre sürgün etilgen halqlarnıñ bazı kefilleri aqqında» qanunnı birinci oquvda qabul etti. «Parlamentte» işbu «qanun» sürgün etilgen halqlarnıñ içtimaiy qoruvını temin etecek, dep bildireler.
