Link açıqlığı

Poroşenko Avropa birligi ile assotsiatsiya aqqında añlaşmanıñ imzalanuvını Füle ile muzakere etti


Ukraina prezidenti Petro Poroşenko Brüsselde iyün 27 künü Avropa birligi ile assotsiatsiya aqqında añlaşmanıñ imzalanuvını kenişlev sualleri ve qomşulıq siyaseti boyunca avropa komissarı Ştefan Füle ile muzakere etti.

Bunı Ukraina prezidenti matbuat hızmeti bildire.

«Petro Poroşenko Avropa birligi Ukrainağa halqara yardımınıñ celp etüvinde müim rol oynağanı içün ve Avropa komissiyanıñ Ukraina içün halqara konferentsiyanı keçirmek ğayesi içün öz teşekkürlerini bildirdi», – deyler matbuat hızmetinde.

Körüşüvde Ukrainada Avropa birligi temsilciliginiñ başı Yan Tombinskiy, Ukrainanıñ Avropa Birliginde temsilcisi Konstantin Yeliseyev, Razumkov Merkeziniñ baş müdiri muavini Valeriy Çalıy bulundılar.
XS
SM
MD
LG