Link açıqlığı

Saatnıñ esas haberi

«Bayraq» plastelin filmi «Tılsımlı ekran — XXI asır» yarışında birinci yer qazandı


Aqmescitte iyün 17-18 künleri keçken «Tılsımlı ekran — XXI asır» festivalininñ laureatları rağbetlendirildi. Birinci derece diplomnı «Bаyraq» plastelin filmniñ müellifleri İbraim Abduramanov, Cemil Ablayev ve küçük Meryem qazandılar.

Bunı «MANünâ» bala media-studiyasınıñ reberi Zarema Hayredinova bildirdi.
«Tedqiqatçı» Küçük ilimler akademiyasınıñ «MANünâ» bala media-studiyası festivalge 6 işni taqdim etti:

- İbraim Abduramanovnıñ (10 yaşında) «Bayraq» adlı plastilin filmi;
- Velide Mamutovanıñ (15 yaşında) «Balalar yaşasın» adlı qum videoklipi;
- Maksim Kazantsevniñ (7 yaşında) «Qarğa» fleş animatsiyası;
- Daniil Çeskiyniñ (11 yaşında) «Santıraç masalı» qoqla filmi;
- Nayle Bekirovanıñ (15 yaşında) «Ümüt ile» serlevalı oqutuv filmi;
- Velide Mamutovanıñ «Arzu» fleş animatsiyası.

Animatsion film namzetliginde İbraim Abduramanov, Cemil Ablayev 1-nci derece diplomı ile, oqutuv film namzetliginde Nayle Bekirova 1-nci derece diplomı ile, animatsion film – 3-nci derece diplomı ile Velide Mamutova, Daniil Çeskiy animatsion film namzetliginde 2-nci derece diplomı ile ğalip çıqtılar.

Qırım talebeleriniñ «Tedqiqatçı» Küçük ilimler akademiyası tarafından teşkil etildi. «Tılsımlı ekran» bala kinofestivali Qırımda 30 yıldan ziyade keçirile.Evelden onda Ukraina şeerlerinden kelgen balalar iştirak ete edi. Bu sene tek Qırım balaları qatnaştı.
Festivalniñ teşkilâtçıları olaraq Qırım Muhtar Cumhuriyetiniñ medeniyet ve sanat nazirligi, Tasil ve ilim nazirligi, Ukraina kinotasili ve media pedagogika erbaplarınıñ birleşmesi, «Kinovideoprokat» Qırım cumhuriyet müessisesi, Qırım kinematografistleriniñ birleşmesini qayd etmeli.

«Festivalniñ maqsadı – bala, yaşlar kino-, foto- ve video icadınıñ inkişafı, istidatlı yaşlarnıñ destegi, media savatınıñ şekillendirüvine yol berilmesi ve ilâhre», – dedi O.Volodçenko.
XS
SM
MD
LG