Link açıqlığı

Ukraina prezidenti Petro Poroşenko ОBSE ricası ile Lugansk yanında elâk olğan VGTRK mühbiri İgor Kоrnelük ölüminiñ taqiqatına israr ete.

Taqiqat neticeleri ОBSEge bildirilecek, denile prezident saytında.

Devlet başı İgor Kornelükniñ ölümi sebebinden öz taziyelerini bildirdi.

«Olğan malümatqa köre, iyün 17 künü Lugansk civarında Metallist qasabasınıñ rayonında terroristler ukrain askerlerine ücüm ete ediler. Arbiyler qarşılıqnı kösterdi. Neticede 10-dan ziyade terrorist elâk oldı», – denile beyanatta.

Umumrusiye devlet tele ve radioyayınlav şirketi mühbiri İgor Kornelük Lugansk vilâyetiniñ Metallist qasabasınıñ rayonında minaatıcı atış neticesinde elâk olğanı aqqında haber bergen edi. Kornelükniñ çıqaruv taqımına kirgen ses operatorı Anton Voloşinniñ taqdiri belgisiz. Olğan malümatkh köre, jurnalist boyeviklerniñ blokpostı yanında elâk oldı.

Arbiy-siyasiy taqiqat merkeziniñ yolbaşçısı Dmıtro Tımçuk Rusiye jurnalistleri Ukrainağa qanunsız sürette kirgenini ve terroristik taqımlarınıñ birisine yardım köstergenini qayd etti.

Rusiye taqiqat komiteti Kornelükniñ vefatı boyunca iş açtı.
XS
SM
MD
LG