Link açıqlığı

Ukraina prezidenti Petro Poroşenko fraktsiyalarnıñ Yuqarı Radanıñ nevbetten tış saylavlarını keçirmek teşebbüsine qol tuta. O, şunı qayd etti ki, cemaatçılıqnıñ akimiyetni bütünley deñiştirmek talapları aktual olıp qala.

Bunı devlet yolbaşçısı «Batkivşçina», Regionlar firqası, UDAR, «Svoboda» parlament fraktsiyaları ve «İqtisadiy inkişaf» ve «Mustaqil avropalı Ukraina» deputatlar taqımları ile toplaşuvda ayttı, dep bildire prezidentniñ saytı, haber ete Azatlıq Radiosı.

Bundan ğayrı, Ukraina Anayasasına deñişmeler kirsetilüvi aqqında qanun leyhası boyunca Poroşenkonıñ teşebbüsleri muzakere etildi.

«İşbu qanun leyhası akimiyetniñ detsentralizatsiyası boyunca teşebbüsimizge uyğun kele ve Donbasstaki barışıq planımıznıñ esas çizgisi ola», – dep bildire Poroşenko.

Devlet yolbaşçısı akimiyet sistemasınıñ semereli işi içün prezident, parlament ve ükümet arasında vazifeler bölünmesini qayd etti.

Ukraina prezidenti parlamentniñ nevbetten tış saylavları ve Anayasa deñişmelerine qol tuta. İlk sefer Petro Poroşenko bunı inauguratsiya çıqışında seslendirdi.
XS
SM
MD
LG