Link açıqlığı

Saatnıñ esas haberi

«Rusiyeli» Qırımda territorial saylav komissiyalarınıñ yolbaşçılarını tayin ettiler


İyün 16-da Qırım «Saylav komissiyasınıñ» toplaşuvında şeer ve rayonlarda territorial saylav komitetleriniñ cedveli ve erkânı tasdıqlandı, olarnıñ reisleri tayin etildi, dep haber ete KİA.

Toplaşuvda bulunğan Merkeziy saylav komissiyasınıñ reis muavini Leonid İvlev territorial saylav komissiyasınıñ tayin etilgen reislerine muracaat etip, endiden soñ olar Rusiye saylav sistemasınıñ hadimleri olalar ve temsil etken şeer ve rayon yolbaşçılarınıñ menfaatlarına qulaq asmamaq kerekler, dep bildirdi.

Toplaşuvda saylav bölükleri, referendum bölükleriniñ yekâne nomeraları belgilendi. Olarnı Qırımda saylayıcılarnıñ reylerini saymaq içün qullanacaqlar.

Qırım «parlamenti» iyün 4-de sentâbr 14-ne keçirilmesi belgilengen saylavlar boyunca 25 bir mandatlı saylav bölüginden ibaret olğan cedvelni tasdıqladı.
XS
SM
MD
LG