Link açıqlığı

Ukraina havfsızlıq şurası Lugansk ve Donetsk vilâyetlerinde arbiy vaziyetni kirsete bile


Ukraina milliy havfsızlıq ve mudafaa Şurası Lugansk ve Donetsk vilâyetlerinde arbiy vaziyet kirsetilmesi meselesini muzakere ete, dep bildirdi SNBO kâtibi Andriy Parubiy.

«Bu mesele baqıla, lâkin men şunı qayd etem ki, bizler başta silâlı tarafqa, ukrain vatandaşları, Ukraina devletine qarşı silâ qullanğan silâlı tarafqa silânı teslim etmege ve Ukraina devletini terk etmege teklif etecekmiz», – dep ayttı o bazarertesi künü Kiyevdeki brifingde Ukraina SNBO toplaşuvından soñ, haber ete İnterfaks-Ukraina.

Parubiy şunı qayd etti ki, terrorizmge qarşı operatsiya çerçivesinde keçirilgen tedbirler Silâlı quvetler, Milliy gvardiya ve sıñırcılar arasında koordinatsiya olmasına imkân bere.

«Bu meseleni muzakere etip, Ukraina prezidentine arbiy vaziyet kirsetilmesinen bağlı mütehassıslar malümatlarını azırlap, bese-belli, bunıñ kibi variant baqıla, ve bunıñnen bağlı qararnı prezident qabul etecek, SNBO toplaşuvı ötkerilecek, bu mesele anda baqılacaq», – dep añlattı SNBO kâtibi.

Ukraina prezidenti Petro Poroşenko memleket şarqındaki arbiy areketler bu afta toqtatılacaq, dep ümüt ete.
XS
SM
MD
LG