Link açıqlığı

İşğal etilgen Qırımda satılğan MTS Rusiye operatorınıñ SİM-kartları «MTS Ukraina» operatorınıñ ağında roumingde çalışacaq, tehnikiy ceetten de Rusiye şirketi hızmet etecek.

Bunı operatornıñ korporativ idaresi ve nezareti boyunca müdiri Oleg Projivalskiy bildirdi, dep haber ete İnterfaks-Ukraina.

«Bilgenime köre, Qırımda kartlarnı MTS şirketiniñ Krasnodar filialı sata. Bizim noqtaiy-nazarımızğa köre – bu qanunsız bir şeydir, çünki Qırım ukrainalıdır», – dep qayd etti o.

Projivalskiyniñ aytqanına köre, «MTS Ukraina» bu kartlar içün roumingniñ sıfır stavkalarını belgilemeycek.

Projivalskiy qayd etti ki, «MTS Ukraina» – ukrain biznesi, ve bu meselede kerileme olmaycaq.

Onıñ bildirgenine köre, Rusiye «MTS Ukraina» işini Qırımda yasaq etse, ağnıñ işi Qırımda toqtatılacaq.

Hatırlatamız, OAO «Mobilnıye Telesistemı» (MTS) Qırımda rusiyeli sim-kartlarnı satıp başladı, dep bildirdi operatornıñ matbuat kâtibi Dmitriy Solodovnikov.

Onıñ aytqanına köre, Qırımda +7 kodınen Krasnodar ülkesiniñ MTS ağına ait olğan 978 prefiksli kontraktlar endi bar.

Kontraktlarnı satın alğan abonentler «MTS-Ukraina» rouming ağında «SuperMTS» tarifi boyunca hızmetnen faydalana bilecekler.
XS
SM
MD
LG