Rusiye akimiyeti «Cenübiy aqımdan» («Yujnıy potok») ayrı boru qurıp, Qırımnı gaznen temin etecek ola, gaz borusı eki yıl devamında OAO «Gazprom» parasına qurula bile.
Bunı Rusiyeniñ Qırım işleri naziri Oleg Savelyev bildirdi, dep haber ete RİA Novosti.
Bundan evel Qırımnıñ gaz teminlevinen bağlı eki variant seslendirilgen edi. «Çernomorneftegaz» Qırım müessisesiniñ «Baş müdiri» Andrey İlin mayısta bildirdi ki, 2016 senesine qadar Kubandan Qırımğa 2 milliard kubometrlik gaz borusı qurulmaq kerek.
Bundan ğayrı, Anapadan gaz borusını qurmaq teklifi olğan edi. Onıñ uzunlığı 110 kilometrni, fiyatı ise – 200 million dollarnı teşkil etecek edi.
Savelyevniñ bildirgenine köre, «Cenübiy aqım» eski yöneliş boyunca ketecek, lâkin ayrı boru olacaq.
Aprelniñ soñunda Rusiye ükümeti Qırımnıñ gaz teminlevini köz ögüne alıp, «Gazpromnıñ» 2016 senesine qadar yatırım programmasını deñiştirmege avale etti. Şimdilik vesiqa deñiştirilmesi aqqında malümat yoq.
Avropa komissiyasınıñ «Cenübiy aqım» gaz borusı leyhasınıñ Avropa Birligi qanunlarına uyğun kelmesi aqqında muzakereler toqtatıldı. Avropa Birliginiñ energetika yolbaşçısı Günter Ettingerniñ malümatına köre, bu adımnıñ sebebi Rusiyeniñ Bütündünya ticaret teşkilâtına Avropa Birligi territoriyasındaki gaz borularına «Gazpromnıñ» kiriş izinni sıñırlağan Avropa Birliginiñ yañı qanunları aqqında şikâyeti oldı.
Bunı Rusiyeniñ Qırım işleri naziri Oleg Savelyev bildirdi, dep haber ete RİA Novosti.
Bundan evel Qırımnıñ gaz teminlevinen bağlı eki variant seslendirilgen edi. «Çernomorneftegaz» Qırım müessisesiniñ «Baş müdiri» Andrey İlin mayısta bildirdi ki, 2016 senesine qadar Kubandan Qırımğa 2 milliard kubometrlik gaz borusı qurulmaq kerek.
Bundan ğayrı, Anapadan gaz borusını qurmaq teklifi olğan edi. Onıñ uzunlığı 110 kilometrni, fiyatı ise – 200 million dollarnı teşkil etecek edi.
Savelyevniñ bildirgenine köre, «Cenübiy aqım» eski yöneliş boyunca ketecek, lâkin ayrı boru olacaq.
Aprelniñ soñunda Rusiye ükümeti Qırımnıñ gaz teminlevini köz ögüne alıp, «Gazpromnıñ» 2016 senesine qadar yatırım programmasını deñiştirmege avale etti. Şimdilik vesiqa deñiştirilmesi aqqında malümat yoq.
Avropa komissiyasınıñ «Cenübiy aqım» gaz borusı leyhasınıñ Avropa Birligi qanunlarına uyğun kelmesi aqqında muzakereler toqtatıldı. Avropa Birliginiñ energetika yolbaşçısı Günter Ettingerniñ malümatına köre, bu adımnıñ sebebi Rusiyeniñ Bütündünya ticaret teşkilâtına Avropa Birligi territoriyasındaki gaz borularına «Gazpromnıñ» kiriş izinni sıñırlağan Avropa Birliginiñ yañı qanunları aqqında şikâyeti oldı.
